Përfitimet e konsumit të hudhrës dhe ecjes pas ushqimit

Konsumi i hudhrës gjatë stinës së verës ndihmon në mirëmbajtjen e funksionit dhe shëndetit të zemrës, ndërsa shëtitjet pas vakteve ndihmojnë në tretjen e ushqimit dhe uljen e sheqerit në gjak. Sipas burimeve, hudhra ndihmon në hollimin e gjakut dhe shmang trombozën, një dukuri e rëndësishme kur trupi humbet ujë përmes djersitjes.

Ekspertët rekomandojnë ngrënien e të paktën dy thelpinjve hudhër në ditë për të marrë përfitime të mëdha, ndërsa vlerat më të mira ofrohen kur ajo konsumohet e gjallë. Një racion prej 28 gramë hudhër ofron dhe plotëson 15 për qind të dozës së rekomanduar ditore të vitaminës C, e cila mbron lëkurën nga rrezet e dëmshme ultravjollcë sipas të dhënave të publikuara. Ajo përmban gjithashtu antioksidantë që luftojnë radikalet e lira, ul kolesterolin dhe tensionin e gjakut, si dhe mbron trurin nga sëmundjet e moshës apo stilit të jetesës.

Në anën tjetër, sipas profesoreshës së stërvitjes Loretta Di Pietro, italianët kanë ecur pas shujtës për shekuj me radhë, zakon ky i mbështetur edhe nga hulumtimet. Një studim i bashkëautorizuar nga Di Pietro zbuloi se kur më të moshuarit në rrezik për diabetin e tipit 2 ecnin për pesëmbëdhjetë minuta pas një vakti, ata kishin pika më të vogla të sheqerit në gjak. Këto shëtitje të shkurta pas vaktit ishin më efektive në uljen e sheqerit në gjak pas darkës sesa një shëtitje dyzet e pesë minutëshe në mes të mëngjesit ose pasdite, njofton Klan Kosova.

Sistemi i tretjes konverton ushqimin në glukozë që përmbyt gjakun, ndërsa insulina ndihmon heqjen e saj në qeliza. Për njerëzit me diabet dhe aktivitet të dëmtuar të insulinës, glukoza e mbetur në gjak mund të kontribuojë në sëmundje të zemrës dhe të veshkave.