Araghchi: Irani shkurton afatin për hapjen e Ngushticës së Hormuzit

Irani pranoi gjatë bisedimeve që të shkurtojë në dy ditë periudhën për zbatimin e planit që synon rihapjen e Ngushticës së Hormuzit. Ministri i Jashtëm iranian, Abbas Araghchi, deklaroi se autoritetet kanë arritur në një propozim konkret gjatë kësaj faze negociatash.

Sipas shefit të diplomacisë iraniane, vendi kërkon njohjen zyrtare të rrugës detare të diskutuar më parë me Omanin, si dhe mbylljen e rrugëve të tjera alternative. Araghchi theksoi se plotësimi i këtyre kushteve krijon mundësinë për rinisjen e dialogut me Uashingtonin rreth temave të pazgjidhura.