Pse u transferua Albion Pllana te Gzira United?
Lojtari 25-vjeçar nga Kosova u bashkua me skuadrën malteze për një vit
— PRISHTINË — Mbrojtësi Albion Pllana ka ndryshuar kampionat për t’iu bashkuar klubit nga Malta, Gzira United. Gzira e ka prezantuar afrimin e ish-lojtarit të Dukagjinit, nga i cili presin shumë për vitet e ardhshme. “Albion Pllana është lojtari ynë. Gzira United është e lumtur t’iu njoftoj transferimin e Albion Pllanës”, ka deklaruar klubi në njoftimin zyrtar.
Në vijim, klubi maltez ka theksuar: “25-vjeçari mbrojtës i djathtë nga Kosova vjen tek ne, ndërsa po vazhdojmë të përforcojmë skuadrën tonë me lojtarë të talentuar dhe ambicioz”. Për karakteristikat e tij, “Ish-lojtari i Kosovës U21, Albioni njihet për shpejtësinë, disiplinën mbrojtëse dhe aftësinë për të mbështetur sulmin”, njoftoi klubi nga Malta.
Sipas të dhënave të disponueshme në “Transfermarkt”, Albion Pllana ka nënshkruar një kontratë njëvjeçare me Gzira United. Ky transferim shënon një hap të ri në karrierën e 25-vjeçarit, i cili vjen nga Kosova dhe ka përvojë në futbollin kosovar me Dukagjinit dhe ekipin kombëtar U21.
Burim: Zëri
— Redaksia ZHURMA