Kush po alarmon për rritjen e kriminalitetit në Kosovë?

Pas plagosjes së katër personave në qendër të Podujevës, ku u lëndua edhe një kalimtar, ekspertët e sigurisë dhe juristët po kërkojnë reagim të menjëhershëm nga shteti për parandalimin e kriminalitetit. Ngjarja e fundit ka rritur shqetësimin për përdorimin e armëve të zjarrit në hapësira publike.

Policia e Kosovës ka konfirmuar se deri në fund të muajit maj 2026, në vend janë evidentuar 9 raste të vrasjeve, duke përfshirë edhe rastet e vrasjeve të rënda. Policia deklaron se të gjitha këto raste janë hetuar dhe kallëzimet penale janë dorëzuar tashmë në prokurori për procesim.

Si masë parandaluese, Policia ka fokusuar konfiskimin e armëve pa leje. Gjatë vitit 2025, institucionet kanë konfiskuar 1.931 armë të ndryshme dhe 39.116 copë fishekësh të kalibrave të ndryshëm, si një përpjekje për të reduktuar numrin e vrasjeve dhe incidenteve të ngjashme në vend.

Nënkoloneli në pension i Policisë së Kosovës, Refki Morina, konsideron se këto raste duhet të shërbejnë si alarm për institucionet e sigurisë. Sipas Morinës, minimizimi i kriminalitetit duhet të nisë nga familja dhe shkolla, duke u ndjekur nga efikasiteti më i madh i Prokurorisë dhe Gjykatave në zgjidhjen e rasteve.

Nga ana tjetër, avokati Valdet Hoxha thekson se është koha e fundit që mekanizmat e sigurisë të identifikohen saktë motivet dhe problematikat që çojnë në këto veprime. Hoxha kërkon që politika ndëshkimore të harmonizohet për të adresuar në mënyrë më efektive çështjen e preventivës së këtyre rasteve.

Shtojmë se në rajonin e Ferizajt është vërejtur një rritje e rasteve të lëndimeve të lehta trupore dhe posedimit të armëve gjatë këtij viti, krahasuar me gjashtëmujorin e vitit të kaluar. Policia ka ftuar qytetarët që të bashkëpunojnë për luftimin e veprave penale serioze në këtë rajon.

Burimet: Demokracia, Bota Sot, Gazeta Dukagjini
— Redaksia ZHURMA