DPSHTRR: Nuk i pajisëm me leje drejtimi dy egjiptianët që humbën jetën
Një drejtues shqiptar mbeti i plagosur; DPSHTRR hedh poshtë raportimet se i pajisi me leje drejtimi dy egjiptianët.
TIRANË — Dy shtetas egjiptianë, Mohamed Lotf dhe Mohamed Ali, humbën jetën dy ditë më parë kur automjeti i tonazhit të rëndë në të cilin ndodheshin doli nga rruga në Unazën e Madhe dhe përfundoi duke rënë nga ura. Një drejtues shqiptar i mjetit mbeti i plagosur.
Drejtoria e Përgjithshme e Shërbimeve të Transportit Rrugor (DPSHTRR) ka bërë të ditur se nuk i pajisi me leje drejtimi shqiptare dy egjiptianët, as me Dëshmi Aftësie Profesionale për profilin automakinist ku përfshihen drejtuesit e autobetonierëve. DPSHTRR hedh poshtë çdo raport se ka pajisur me leje drejtimi këta dy shtetas.
DPSHTRR thekson se Shqipëria nuk ka marrëveshje dypalëshe reciprociteti me Egjiptin për njohjen e lejeve të drejtimit.
Burim: Euronews Albania
— Redaksia ZHURMA