Aksident në aksin Shkodër-Koplik, përplasen dy automjete dhe plagosen 6 persona
Gjashtë persona mbeten të plagosur pas një përplasjeje mes dy automjeteve në aksin rrugor Shkodër-Koplik, në zonën e Shtojit.
Redaksia ZHURMA · · 1 min lexim
Një aksident rrugor është regjistruar në aksin Shkodër-Koplik, në zonën e Shtojit, ku dy automjete tip «Mercedes-Benz» janë përplasur «kokë më kokë». Si pasojë e përplasjes, e cila ka ndodhur rreth orës 09:30, gjashtë persona kanë mbetur të dëmtuar dhe janë transportuar drejt Spitalit Rajonal të Shkodrës për të marrë ndihmën e nevojshme mjekësore dhe për të kryer ekzaminimet përkatëse.
Njëri prej të dëmtuarve, shtetasi D. R., 33 vjeç, ndodhet në gjendje të rëndë shëndetësore, ndërsa pesë personat e tjerë janë jashtë rrezikut për jetën. Nga përplasja, njëri prej automjeteve ka pësuar dëme të konsiderueshme materiale.
Në vendngjarje kanë mbërritur shërbimet e policisë, ndërsa grupi hetimor po punon për zbardhjen e rrethanave dhe përcaktimin e shkaqeve të aksidentit.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar