Pse ndan rrugë Agon Xhaka me Malishevën?
Futbollisti kosovar këna kontribut të rëndësishëm në skuadër gjatë pesë viteve
PRISHTINË — Futbollisti kosovar, Agon Xhaka ka ndarë rrugët me FC Malishevën, pas pesë vitesh me skuadrën. Ekipi, përmes një postimi në Facebook, është shprehur tejet falënderues për kontributin e Xhakës në skuadër, përgjatë këtyre viteve.
Pesë vite nuk maten vetëm me ndeshje të luajtura, por me besnikëri, sakrificë dhe momente që mbeten në kujtesën e çdonjërit. Agoni ishte pranë klubit në sfidat më të mëdha dhe në arritjet më të bukura, duke dhënë gjithmonë maksimumin për këtë fanellë.
Që nga ardhja e tij në vitin 2021, Agoni ishte një prej shtyllave të skuadrës, duke dhënë kontribut të çmuar në një nga periudhat më të suksesshme të klubit. Ai ishte pjesë e ekipit që shkroi historinë e FC Malishevës, duke siguruar tri kualifikime radhazi në garat e UEFA Conference League.
Për gjithçka që ka dhënë për këtë fanellë, Agoni do të mbetet gjithmonë pjesë e historisë sonë. Faleminderit për çdo moment e çdo sakrificë; FC Malisheva do të mbetet gjithmonë shtëpia jote”, thuhet në njoftim.
Burim: Ekonomia Online, https://ekonomiaonline.com/faleminderit-legjende-agon-xhaka-ndan-rruget-me-malisheven/
— Redaksia ZHURMA