Pse u largua Agim Ibraimi nga Partizani pas shtatë muajsh?

TIRANË — Agim Ibraimi ka dhënë dorëheqjen nga posti i drejtorit sportiv të Partizanit, vetëm shtatë muaj pasi u prezantua në klub më 9 janar të këtij viti. Largimi vjen pak ditë pasi klubi prezantoi trajnerin e ri rumun Florin Bratu.

Bashkë me Ibraimin, e kanë lënë klubin edhe futbollistët Kamer Qaka dhe Lorent Shabani në të njëjtën periudhë. Më parë, në muajt e fundit, ishin larguar edhe Vusal Isgandarli, Carlos Martinez, Altin Bytyçi dhe Amos Nondi.

Ndërkohë Alban Hoxha i dha fund futbollit të luajtur dhe tashmë mban postin e trajnerit të portierëve te Partizani. Kujtojmë se në sezonin 2024-25, Ibraimi mbajti rolin e drejtorit sportiv te KF Tirana.

Burim: Shqiptarja
— Redaksia ZHURMA