Afrona Dika feston ditëlindjen me dhurata luksoze Chanel nga partneri i saj
Modelja ka ndarë në rrjetet sociale pamje nga buqetat me lule dhe paketime e marka të njohura.
SHKUP — Afrona Dika ka nisur festimet e ditëlindjes së saj më 9 gusht pak më herët, pasi është surprizuar me dhurata luksoze nga partneri i saj. Nëpërmjet një postimi të shpërndarë në rrjetin social Instagram Story, modelja ka treguar pamje nga buqetat me lule rozë e të bardha, paketimet nga marka e njohur „Chanel“, si dhe ëmbëlsirat e pijet festive që ka pranuar.
Krah imazhit të publikuar, ajo ka lënë një mbishkrim mirënjohjeje drejtuar të fejuarit, duke shkruar se falënderon dashurinë e saj për këtë gjest përpara ditës së saj të veçantë. Megjithëse ka afro një vit që është fejuar, ajo vazhdon ta mbajë lidhjen e saj plotësisht private, pa zbuluar ende identitetin e partnerit të saj para publikut.
Postimet e kësaj natyre mbeten të rralla për modelen, e cila zgjedh zakonisht ta shijojë jetën e saj private larg vëmendjes së mediave. Megjithatë, ajo ka lënë të nënkuptohet përmes këtij gjesti se ndihet mjaft e lumtur dhe e vlerësuar.
Burim: Tetova Sot
— Redaksia ZHURMA