Adrola Dushi reagon pas protestave të dhunshme në Shqipëri

Modelja e njohur shqiptare, Adrola Dushi, ka reaguar pas protestave të dhunshme të zhvilluara në Tiranë, duke bërë thirrje për më shumë përgjegjësi, maturi dhe respekt për qytetarët. Përmes një postimi në rrjetet sociale, ajo ka dënuar dhunën ndaj qytetarëve dhe ka theksuar se pakënaqësitë dhe revolta nuk duhet të shndërrohen në përplasje që rrezikojnë jetën dhe sigurinë e njerëzve.

«Nuk mund të jetë dhuna përgjigjja ndaj revoltës së qytetarëve!», ka shkruar Dushi, duke shtuar se policia duhet të jetë e trajnuar për të përballuar tensionet, presionin dhe protestat, si dhe për të ruajtur qetësinë në situata të vështira. Ajo ka vlerësuar se uniforma e policisë duhet të jetë simbol i mbrojtjes dhe jo i frikësimit.

«Uniforma nuk është pushtet mbi qytetarin. Është përgjegjësi ndaj tij!», u shpreh ajo.