Azizi akuzon BDI-në për teatër politik dhe bllokim të Kuvendit
Deputeti i VLEN-it i kundërpërgjigjet Talat Xhaferit: po bllokoni ligjet që s'i miratuat vetë për 20 vjet
Redaksia ZHURMA · · Përditësuar · 1 min lexim
SHKUP — Deputeti i koalicionit VLEN, Adnan Azizi, i është kundërpërgjigjur deputetit të BDI-së, Talat Xhaferi, pas reagimeve të këtij të fundit ndaj deklaratave të bëra në seancën parlamentare. Përmes një postimi në rrjetet sociale, Azizi tha se Xhaferi "e ka marrë përsipër epitetin ‘Avni Rustemi’", të cilin, sipas tij, ai e kishte përmendur vetëm në parim dhe pa apostrofuar askënd në veçanti.
Në vazhdim, Azizi akuzoi BDI-në për bllokimin e punës së Kuvendit, duke vlerësuar se pengimi i seancave dhe i miratimit të ligjeve që, sipas tij, nuk janë bërë gjatë 20 viteve të qeverisjes së kësaj partie, dëshmon mungesë vizioni politik. "Sot t’i bllokoni seancat e Kuvendit dhe ligjet që nuk i keni bërë ju për 20 vjet, tregon qartë mungesën e kauzës dhe nevojën për teatër politik të bajatshëm", përfundon reagimi i deputetit të VLEN-it.
Burim: Tetova Sot, https://tetovasot.com/2026/07/lajmeadnan-azizi-po-te-doja-ta-apostrofoj-talat-xhaferin-ne-menyre-pezhorative-do-te-flisja-per-jna-ne/ — Redaksia ZHURMA
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar