Adem Dalipi kurorëzon diplomimin në SHBA me shallin e shqiponjës

Artisti Adem Dalipi, i lindur dhe i rritur në Shtetet e Bashkuara të Amerikës, ka tërhequr vëmendjen e opinionit gjatë ceremonisë së diplomimit në Universitetin Northern Illinois. Ai u shfaq në ngjarjen e rëndësishme duke mbajtur një shall me shqiponjën dykrenare shqiptare, ndërsa ngjarjen e ndau me momente emocionuese i shoqëruar nga familjarët e tij. Dalipi ka shprehur mirënjohje për mbështetjen e vazhdueshme të familjes, duke theksuar se prindërit e tij janë nga Kërçova dhe se është edukuar vazhdimisht me dashuri për traditat dhe kulturën shqiptare.

Përveç angazhimit akademik, Dalipi është bërë i njohur më parë edhe për pjesëmarrjen e tij në spektaklin e njohur muzikor «American Idol». Atje ai arriti të fitojë të ashtuquajturën «biletë e artë» nga juria e përbërë nga artistët e njohur Lionel Richie, Katy Perry dhe Luke Bryan, duke lënë gjurmë me talentin e tij.