1,734 gjoba e 21 aksidente trafiku — 24 orë pa viktimë në Kosovë
Çfarë tregojnë statistikat e fundit të Policisë së Kosovës për gjendjen e sigurisë rrugore?
PRISHTINË — Policia e Kosovës ka publikuar statistikat e trafikut për 24 orët e fundit, sipas të cilave nuk është shënuar asnjë aksident me fatalitet. Gjatë kësaj periudhe janë regjistruar 21 aksidente trafiku me persona të lënduar, ndërsa 14 aksidente të tjera kanë përfunduar vetëm me dëme materiale.
Në kuadër të aktiviteteve për sigurinë në komunikacion, Policia e Kosovës ka shqiptuar gjithsej 1,734 tiketa trafiku ndaj drejtuesve të automjeteve që kanë shkelur rregullat e qarkullimit rrugor.
Policia u ka bërë thirrje të gjithë pjesëmarrësve në trafik që të respektojnë rregullat e komunikacionit, të përshtatin shpejtësinë me kushtet e rrugës dhe të tregojnë kujdes të shtuar për të parandaluar aksidentet.
Burim: Insajderi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.