15 persona të zhdukur pas përmbytjeve në Kanionin e Madh të Arizonës
Evakuohen 62 persona me helikopter pas reshjeve katastrofike që goditën zonën e Bright Angel Canyon; operacionet e kërkim-shpëtimit vijojnë.
Autoritetet amerikane kanë nisur operacione masive kërkim-shpëtim pas reshjeve të forta që përshkuan Kanionin e Madh në shtetin e Arizonës. Shërbimi i Parqeve Kombëtare (NPS) njoftoi se të paktën 15 alpinistë dyshohet se kanë humbur gjurmët, ndërsa 62 turistë të tjerë u nxorën të shpëtuar nga zona e rrezikuar me ndihmën e helikopterëve. Incidenti ka ndodhur të shtunën, rreth orës 14:30 me kohën vendase, duke prekur veçanërisht zonat e Phantom Ranch dhe Bright Angel Canyon.
Nuk ka raporte për të lënduar deri më tani. Midis të evakuuarve ishte edhe Nikki Baggs, 41 vjeçe, e cila ndodhej në fund të kanionit bashkë me dy shoqet. Ajo rrëfeu për BBC se situata u përkeqësua papritur, duke shkaktuar panik te të pranishmit. Grupi u strehua fillimisht në një tavolinë pikniku në një teren më të lartë, por më pas u zhvendos në një vend më të sigurt, ku pritën për disa orë derisa helikopterët i arritën rreth orës 21:30. Shtabi i policisë së parkut i ka kërkuar qytetarëve që posedojnë imazhe ose video nga ato ditë përgjatë lugina Bright Angel Creek të kontaktojnë menjëherë autoritetet.