Zulfaj takon Palatovën — diskutojnë reformat dhe projektet e IPA-s

PRISHTINË — Kryenegociatori i Kosovës me Bashkimin Evropian, Jeton Zulfaj, ka zhvilluar takim me Ushtruesen e Detyrës së Shefes së Zyrës së Bashkimit Evropian në Kosovë, Eva Palatovën. Në këtë takim janë diskutuar tema të rëndësishme që lidhen me procesin e integrimit evropian të Kosovës.

Zulfaj dhe Palatova kanë diskutuar Instrumentin për Reforma dhe Rritje, projektet e IPA-s, si dhe zhvillimet aktuale. Kryenegociatori i Kosovës thekson se bashkëpunimi me Zyrën e BE-së në Kosovë do të mbetet i rëndësishëm në kuadër të përpjekjeve për avancimin e reformave dhe rrugëtimit të vendit drejt anëtarësimit në Bashkimin Evropian.

Burim: Gazeta Dukagjini, https://www.dukagjini.com/zulfaj-takohet-me-perfaqesuesen-e-be-se-diskutohen-reformat-dhe-procesi-i-integrimit-evropian/ — Redaksia ZHURMA