Zjarret e mëdha në Pilur dhe Llogara — ushtria ndërhyn në parkun kombëtar
Efektivët e zjarrfikësve dhe Forcat e Armatosura janë angazhuar në terren për të parandaluar përhapjen e flakëve drejt zonave të banuara.
HIMARË — Dy vatra të mëdha zjarri janë aktivizuar këtë të premte në fshatin Pilur dhe në Parkun Kombëtar të Llogarasë, duke vënë në lëvizje shërbimet e emergjencës. Flakët kanë përfshirë zona të tëra, ndërsa zjarrfikësit e Himarës janë nisur menjëherë drejt Pilurit për të ndërhyrë dhe për të vënë situatën nën kontroll.
Në Parkun Kombëtar të Llogarasë, operacioni po vijon prej disa orësh ku krahas zjarrfikësve po punojnë intensivisht edhe Forcat e Armatosura. Autoritetet po monitorojnë situatën hap pas hapi në terren, me qëllim izolimin e plotë të vatrës dhe për të parandaluar përhapjen e mëtejshme të flakëve në drejtim të zonave të banuara.
Burim: Euronews Albania
— Redaksia ZHURMA