Pse vazhdojnë të shpërthejnë zjarret në Maqedoni?
Gjashtë zjarre janë regjistruar në hapësira të hapur, duke shkaktuar rrezik në rajon dhe Evropë
SKOPJË — Një zjarr në hapësira të hapura vazhdon të mbetet aktiv në vendin tonë ndërsa pesë të tjerë janë shuar gjatë ditës së sotme. Sipas të dhënave të fundit të Qendrës për Menaxhimin e Krizave, vetëm gjatë ditës së sotme janë regjistruar gjashtë zjarre në hapësira të hapur prej të cilave një mbetet aktiv në territorin e fshatit Buçin, të Komunës së Krushevës, ku po digjet vegjetacion i ulët.
Temperaturat e larta, thatësia dhe erërat kanë favorizuar përhapjen e flakëve, ndërsa autoritetet kanë angazhuar ekipe zjarrfikëse dhe mjete ajrore për t’i vënë ato nën kontroll. Edhe në pjesë të tjera të Evropës situata me zjarret mbetet alarmante.
Vala e të nxehtit ka nxitur përhapjen e zjarreve në Francë, Spanjë, Portugali dhe Greqi, duke detyruar autoritetet të evakuojnë mijëra banorë nga zonat e rrezikuara. Në jug të Francës, mbi 10 mijë persona janë evakuuar nga shtëpitë e tyre për shkak të një zjarri të madh pranë kufirit me Spanjën.
Burim: Alsat-M, https://alsat.mk/zjarret-ne-vend-nen-kontroll-por-rreziku-mbetet-i-larte-ne-rajon-dhe-evrope/
— Redaksia ZHURMA