Zjarri i madh përhap rrezik në zonën midis Andon Poçit dhe Hundëkuqit — 4 km vatra
Flakët kanë krijuar dy vatra aktive me një perimetër prej rreth 4 kilometrash, duke rrezikuar zonat e banuara.
GJIROKASTËR — Një zjarr i përmasave të mëdha është aktivizuar në zonën ndërmjet fshatrave Andon Poçi dhe Hundëkuq, duke paraqitur rrezik të menjëhershëm për përhapjen e flakëve drejt zonave të banuara. Flakët janë ndarë në dy vatra aktive, të cilat shtrihen në një perimetër të përgjithshëm prej rreth 4 kilometrash.
Terreni i thyer malor dhe bimësia e dendur e bëjnë ndërhyrjen dhe afrimin e mjeteve zjarrfikëse tepër të vështirë. Në të njëjtën zonë ishin evidentuar edhe tri vatra zjarri vetëm një javë më parë. I gjithë shërbimi i Drejtorisë së MZSH-së Gjirokastër ndodhet në terren, duke monitoruar situatën në vazhdimësi.
Për përballimin e situatës dhe frenimin e avancimit të flakëve, pritet angazhimi i forcave shtesë zjarrfikëse, vullnetarëve dhe Forcave të Armatosura për të mbrojtur fshatrat e rrezikuara. Burim: Top Channel
— Redaksia ZHURMA