Zeqirja Rexhepi hap ekspozitën e parë personale në Kanada
Artisti nga Kosova prezanton koleksionin e pikturave në Montreal.
Redaksia ZHURMA · · 1 min lexim
Artisti i lindur në Kosovë, Zeqirja Rexhepi, ka hapur ekspozitën e tij të parë personale në Montreal të Kanadasë, ku ka sjellë koleksionin e pikturave të titulluar “Simfonia e Mbijetesës”. Ngjarja u organizua të shtunën, më 14 nëntor, në Galerie Ambigu, me kurim nga Kastriot Dervishi dhe hyrje falas për vizitorët. Për këtë mbrëmje, artisti udhëtoi nga Halifax në Montreal, ndërsa publiku pati mundësinë të ndiqte edhe muzikë live nga vajza e tij, Tringa.
Koleksioni trajton temat e luftës, humbjes dhe qëndrueshmërisë njerëzore, duke prekur përvojat e periudhës së luftës dhe pandemisë. Rexhepi numëron më shumë se pesë dekada në fushën e artit, me prezaktime të mëparshme në Evropë dhe Kanada, përfshirë Muzeun Kanadez të Imigracionit në Pier 21 në Halifax, ekspozitën “Roots in Berat” në Shqipëri, si dhe vepra të realizuara për një kishë në Kosovë dhe një xhami në Evropë.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar