Zelensky dekoron Elon Musk me Urdhrin e Lirisë së Ukrainës

Presidenti i Ukrainës, Volodymyr Zelensky, i ka dhënë Elon Musk, themeluesit të SpaceX, një nga dekoratat më të larta shtetërore të vendit, “Urdhrin e Lirisë”. Lajmi u bë i ditur nga disa media, të cilat raportojnë se vlerësimi vjen përmes një dekreti të Presidencës ukrainase.

Në dekret, Musk vlerësohet për “merita të jashtëzakonshme personale në mbrojtjen e jetës dhe lirisë së njerëzve” dhe për kontributin në forcimin e marrëdhënieve mes Ukrainës dhe Shteteve të Bashkuara. Në qendër të këtij nderimi është sistemi satelitor Starlink, i cili u bë jetik për komunikimet ukrainase pas shkatërrimit të infrastrukturës nga pushtimi rus në shkurt të vitit 2022.

Megjithatë, marrëdhënia mes Musk dhe Kievit ka qenë e ndërlikuar, me përplasje publike dhe kritika ndaj Zelenskyt. Musk ka kundërshtuar vazhdimisht përdorimin e Starlink për sulme me rreze të gjatë, ndërsa në vitin 2026 Ukraina dhe SpaceX bashkëpunuan për të penguar përdorimin e paligjshëm të terminaleve nga forcat ruse.