Zbulohen rrënojat e një çezme të vjetër në fshatin Rromë, Selenicë
Struktura mendohet të datojë në shekujt XV–XVI, sipas specialistëve të Drejtorisë Rajonale të Trashëgimisë Kulturore Vlorë
SELENICË — Gjatë punimeve për ndërtimin e një depoje uji në fshatin Rromë, dolën në dritë rrënojat e një çezme të vjetër. Zbulimi u raportua menjëherë nga banorët e zonës.
Specialistët e Drejtorisë Rajonale të Trashëgimisë Kulturore Vlorë kryen verifikimet në terren dhe dokumentuan elementë të rëndësishëm ndërtimorë, përfshirë tubacione qeramike për furnizim me ujë, kanale shkarkuese dhe mure të ndërtuara me gurë, tjegulla dhe llaç gëlqereje.
Sipas analizës paraprake të tipareve arkitektonike dhe materialit qeramik, monumenti mendohet të datojë në shekujt XV–XVI, në fillimet e periudhës osmane, duke përfaqësuar një dëshmi të vlefshme për historinë dhe zhvillimin e fshatit Rromë.
Burim: Zëri, http://www.zeri.info/kultura/631463/zbulim-me-vlere-per-trashegimine-kulturore-ne-selenice/
— Redaksia ZHURMA
