Pse VLEN-u po hesht?
Çfarë i ndodhi premtimeve të VLEN-it për ndryshim?
PRISHTINË — Kryetari i Aleancës për Shqiptarët, Arben Taravari ka reaguar përmes një postimi në "Facebook" për dy vjeçarin e VLEN-it në Qeveri, duke thënë se VLEN nga premtime të mëdha, është dorëzuar pa kushte. "VLEN hyri në qeveri duke kërkuar besimin e shqiptarëve dhe duke premtuar ndryshim. Dy vite më pas, qytetarët nuk shohin ndryshim, por heshtje, arsyetime dhe dorëzim", shprehet Taravari. Ai liston mungesat: nuk ka ndryshime kushtetuese, nuk ka hap përpara në rrugën evropiane, nuk ka forcim të gjuhës shqipe, nuk ka mbrojtje reale të përfaqësimit të drejtë dhe nuk ka investime serioze në komunat shqiptare.
Taravari shton se VLEN kanë premtuar se do të sjellin zë në Qeveri, por kjo parti u bë hije e vendimeve të të tjerëve. "Shqiptarët nuk votuan për ministra që numërojnë ditët në karrige dhe heshtin kur preken interesat e qytetarëve. VLEN nuk u rrëzua nga pamundësia, por nga zgjedhja për të qëndruar në pushtet me çdo kusht", shkruan ai. Aleanca për Shqiptarët e tha dhe e dëshmoi se kur nuk ka realizim, nuk ka arsye të qëndrohet për dekor. "Koha e arsyetimeve ka mbaruar. Tani çdo premtim duhet të matet me punë, dhe çdo mandat me përgjegjësi para qytetarëve", përfundon Taravari.
Burim: Telegrafi
— Redaksia ZHURMA