Çfarë lidhjesh me Stajiqin kërkon llogari VLEN nga BDI dhe Osmani?
Partia opozitare maqedonase i kujton BDI-së se konsulli i nderit i Serbisë ishte në pritjet zyrtare të Osmanit.
SHKUP — Partia opozitare maqedonase VLEN i ka kërkuar BDI-së dhe ministrit të jashtëm Bujar Osmani të japin llogari për lidhjet me Vlladimir Stajiqin, konsullin e nderit të Serbisë.
Në një reagim të publikuar të dielën, VLEN thekson se "sa më shumë që BDI përpiqet të flasë për ndikim serb, aq më shumë i dalin përpara gjurmët e veta." Partia rendit një varg rastesh: Ballkani i Hapur, Ohri, Shën Naumi dhe tani prania e Stajiqit në "pritjet zyrtare të Bujar Osmanit."
"Zhurma nuk u kryen punë. Tani le të dalin dhe të përgjigjen," përfundon deklarata e VLEN-it.
Burim: Tetova Sot
— Redaksia ZHURMA