Grabitje në Podujevë: marrin arkën me 10 mijë euro nga një lokal i HEB'S
Autorët dyshohet se kanë shkëputur dhe marrë arkën e fiksuar në mur; dëme të mëdha materiale
PODUJEVË — Një vjedhje e rëndë ka ndodhur në orët e para të mëngjesit në një nga lokalet e rrjetit HEB'S në Podujevë, ku persona ende të paidentifikuar kanë depërtuar me forcë në objekt dhe kanë marrë arkën me mijëra euro. Rasti ka ndodhur më 20 korrik, rreth orës 04:10, në kafiterinë HEB'S, e cila ndodhet brenda Qendrës Tregtare 'Park Plazza', në rrugën 'Zahir Pajaziti'.
Autorët dyshohet se kanë shkëputur dhe marrë arkën e fiksuar në mur, në të cilën ndodheshin rreth 10 mijë euro para të gatshme, të ardhura nga qarkullimi ditor i biznesit. Përveç parave, grabitësit kanë shkaktuar edhe dëme të konsiderueshme materiale, duke dëmtuar derën hyrëse dhe një pjesë të murit të lokalit, me një vlerë të vlerësuar rreth 5 mijë euro.
Në vendin e ngjarjes kanë dalë hetuesit dhe krimteknika e Stacionit Policor në Podujevë, si dhe Njësia Rajonale e Hetimeve, të cilat kanë kryer ekzaminimin e vendit të ngjarjes dhe kanë mbledhur provat materiale. Me urdhër të Prokurorit të Shtetit, rasti është iniciuar si 'Vjedhje e rëndë', ndërsa Policia po punon për identifikimin dhe kapjen e autorëve.
Burim: Sinjali
— Redaksia ZHURMA
Të ngjashme
sipas temës · #kosove
Stuhia dëmton shkollën në Gadime dhe rrëzon shtylla elektrike në Lipjan
Bajqinovci: BE-ja s'mund të kërkojë kthimin e prokurorëve që braktisën institucionet
Drita shpërdoron fitoren në Maltë, barazon 1-1 në minutën 90+12
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.