Sa kërkon Vinicius Junior për të rinovuar kontratën me Realin?

Vinicius Junior po kërkon një pagë prej rreth 20 milionë euro neto në sezon për të rinovuar kontratën e tij me Real Madridin. Kjo kërkesë financiare do ta vendoste brazilianin në krye të listës së futbollistëve më të paguar të klubit, gjë që ka krijuar një pengesë në negociatat mes palëve.

Drejtuesit e klubit, në kryes të tyre Florentino Perez dhe Jose Angel Sanchez, hezitojnë t'i plotësojnë këto kërkesa për të ruajtur strukturën e rreptë të pagave. Real Madridi synon të shmangë tensionet mes yjeve, duke pasur parasysh pagat e konsiderueshme që përfitojnë tashmë Kylian Mbappe dhe Jude Bellingham.

Mesazhi nga Valdebebas është se projekti i klubit qëndron mbi çdo individ, pavarësisht statusit në fushë. Edhe pse klubi e konsideron 26-vjeçarin një aset thelbësor, ai dëshiron të shmangë një "telenovelë" të zgjatur gjatë afatit kalimtar, sidomos pasi lojtari po afrohet drejt fazës përfundimtare të kontratës aktuale.

Situata komplikuhet nga mungesa e ofertave zyrtare për lojtarin, gjë që e bën zgjidhjen e shpejtë imperative për të mbajtur fokusin te futbolli. Të dyja palët janë praktikisht të dënuara të gjejnë gjuhën e përbashkët, pasi asnjë shitje dhe asnjë ngërç kontraktual nuk i shërbejnë interesave të asnjëras palë.

Përtej financave, klubi pret që Vinicius të tregojë më shumë vazhdimësi si lider në ndeshjet me peshë të madhe. Sezonin e kaluar ai zhvilloi 53 ndeshje, ku shënoi 22 gola dhe dhuroi 14 asistime, por drejtuesit kërkojnë një rol më pozitiv dhe të qëndrueshëm pas pushimeve verore.

Burim: Gazeta Express
— Redaksia ZHURMA