Vepra dydhujëshe e Tajar Domit dokumenton mençurinë shqiptare
Një vështrim mbi veprën e re të autorit Tajar Domi, e cila përmban thënie të mençura dhe analiza mbi identitetin dhe traditën.
Redaksia ZHURMA · · 1 min lexim
Autorit Tajar Domi i atribuohet një kontribut madhor përmes veprës së karakterit enciklopedik, e cila vjen në dy gjuhë, shqip dhe anglisht. Përmes dokumentimit të mendimit të urtë, kjo vepër shpërfaq mënyrën se si populli shqiptar ka arsyetuar përballë sfidave të kohës, luftërave dhe rreziqeve të asimilimit.
Libri përmban tetëqindetridhjetëetetë thënie të mençura, të marra nga mençuria popullore dhe perifrazime nga shkrimtarë e filozofë famozë, vendas e të huaj. Këto thënie janë evidentuar dhe komentuara me kujdes, ndërsa i gjithë materiali është kompozuar në njëmbëdhjetë kapituj. Ky botim i Shtëpisë Botuese prestigjioze “M&B” vjen pas veprës enciklopedike “Dinastia Domi e Cerenit të Kalasë së Dodës”, duke e renditur autorin në elitën krijuese kombëtare.
Sipas autorit, vepra pasqyron mentalitetin patriarkal, besën, traditën, rezistencën ndaj pushtimeve dhe përplasjen mes vlerave tradicionale dhe modernitetit. Dedikimi hyrës i librit u drejtohet atyre që e mbajtën fjalën kur ishte e vështirë, atyre që e ruajtën gjuhën dhe familjeve shqiptare, mësuesve, prindërve, të rinjve, si dhe çdo shqiptari kudo që jeton.
