Fotografitë e Ledri Vulës dhe Bebe Rexhës dorë për dore janë të krijuara me AI

Fotografitë e Bebe Rexhës dhe Ledri Vulës dorë për dore që bënë xhiron e rrjetit nuk janë reale, por rezultojnë të krijuara me inteligjencë artificiale. Imazhet kishin qarkulluar së fundmi në rrjetet sociale dhe kishin nxitur kureshtje e dyshime mes ndjekësve për një dalje të mundshme mes dy artistëve në Amerikë.

Në imazhet e shpërndara gjerësisht, dyshja shfaqej kinse dorë për dore, pamje që kishin bërë që shumë njerëz të pyesnin nëse bëhej fjalë për një takim të vërtetë mes tyre, ndërkohë që fotografitë kishin gjetur hapësirë edhe në disa media shqiptare.