“TVSH-ja Ime” jashtë funksionit prej 48 orësh
Pse po dështon qasja në aplikacionin “TVSH-ja Ime” dhe çfarë paralajmërojnë autoritetet?
SHKUP — Aplikacioni shtetëror “TVSH-ja Ime” ka mbetur tërësisht jashtë funksionit për më shumë se 48 orë, duke shkaktuar revoltë të madhe te mijëra qytetarë në Maqedoninë e Veriut. Përdoruesit e kanë të pamundur të qasen në sistem për të skanuar faturat e tyre fiskale.
Gjatë vendosjes së kodit personal PIN për qasje në sistem, përdoruesve u shfaqet mesazhi i prerë se nuk ka koneksion me DAP-in. Autoritetet e faqes zyrtare kanë njoftuar vetëm për ngadalësime të herëpashershme, pa dhënë ndonjë afat të qartë se kur do të rikthehet funksionimi i plotë.
Ekipet e tyre njoftuan në Facebook se po punojnë për të tejkaluar këto sfida dhe për të siguruar funksionimin e pandërprerë. Megjithatë, revolta e qytetarëve rritet pasi çdo orë vonesë u pamundëson atyre skanimin e rregullt të faturave.
Burim: Tetova Sot
— Redaksia ZHURMA