Transformimi i Tiranës në fokus të medias kanadeze

TIRANË — Kryeqyteti shqiptar po kalon në një fazë ndryshimesh të mëdha, duke u shndërruar në një qendër moderne dhe dinamike që tërheq vizitorë të huaj, sipas një shkrimi të botuar nga Tim Johnson për platformën kanadeze «Travelweek». Gjatë një vizite në qendër, vërehet se hapësirat publike dhe sheshi kryesor paraqesin një pamje krejtësisht të ndryshme nga ajo e viteve më parë, ku mbizotëronin sipërfaqe të dëmtuara dhe zona parkimi. Përmirësimet përfshijnë gjithashtu ndërtimin e objekteve të reja xhami, zhvendosjen e qarkullimit nën tokë dhe shtimin e parqeve e vendeve çlodhëse për qytetarët.