Vol. I
Nr. 171
viti 2026 i pavarësisë
Kush e theri me thikë një person në sheshin "Nëna Terezë"?
Një burrë po trajtohet në QKUK pas një sulmi nga disa persona të premten mbrëma, ndërsa i dyshuari kryesor është i njohur për policinë dhe po kërkohet.
PRISHTINË — Një person është dërguar për trajtim emergjent në QKUK pasi u sulmua me thikë në qendër të kryeqytetit. Ngjarja ka ndodhur të premten rreth orës 22:30 në sheshin "Nëna Terezë", ku viktima dyshohet se u ther nga disa persona.
Dëshmitarët në vendngjarje kanë identifikuar njërin nga sulmuesit, i cili rezulton person i njohur për policinë, ndërsa bashkëpunëtorët e tij mbeten në kërkim. Sipas mjekëve, i lënduari aktualisht është jashtë rrezikut për jetë dhe po ruhet nga një njësi policore gjatë kohës që po vazhdojnë hetimet.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.