Çfarë kërkoi Myftiu Tërnava për fushatën zgjedhore të 7 qershorit?
Myftiu i Kosovës i bën thirrje forcave politike të garojnë me ide dhe vizion, duke e cilësuar votën si forcë dhe përgjegjësi.
PRISHTINË — Myftiu i Kosovës, Naim Tërnava, i ka bërë thirrje partive politike që fushata për zgjedhjet e 7 qershorit të zhvillohet me dinjitet, maturi dhe respekt.
Në një deklaratë, Tërnava theksoi se fushata duhet të jetë larg gjuhës së përçarjes dhe urrejtjes. "Më 7 të muajit të ardhshëm vendi ynë përballet me një moment vendimtar për demokracinë, dinjitetin qytetar dhe të ardhmen e shtetit", ka thënë ai, duke shtuar se "vota bëhet forcë, përgjegjësi dhe shpresë".
Tërnava kërkoi që gara politike të zhvillohet me ide, vizion dhe përgjegjësi ndaj atdheut, duke nënvizuar se "sovrani është qytetari dhe vullneti i tij duhet të respektohet mbi çdo interes politik". Ai përfundoi duke thënë se "pavarësisht rezultatit, Kosova ka nevojë për unitet".
Burim: Zëri
— Redaksia ZHURMA