Tension dhe kartonë të kuq për Spallettin e Pisacanen pas ndeshjes

Ndeshja mes Cagliarit dhe Juventusit u mbyll në barazim, por përfundimi i saj u karakterizua nga tensione të larta mes dy trajnerëve, Luciano Spalletti i Juventus-it dhe Fabio Pisacane i Cagliari-t. Incidenti ndodhi gjatë momentit të përshëndetjes mes dy teknikëve, kur ata u gjendën përballë njëri-tjetrit dhe për pak sa nuk shkuan deri në përplasje fizike. Pisacane i tha diçka kolegut dhe i shtrëngoi dorën e majtë. Trajneri i bardhezinjve reagoi menjëherë dhe situata u ndez. Për të qetësuar gjakrat dhe për t'i ndarë, ndërhynë në atë çast pjesëtarët e dy stolave dhe arbitri i katërt.

Pas këtij momenti tensioni, gjyqtari vendosi t'i ndëshkojë të dy trajnerët me karton të kuq. Pas ndeshjes, trajneri i Juventusit shpjegoi se asgjë e veçantë nuk kishte ndodhur dhe se gjithçka ishte normale. Ai u shpreh se i kishte thënë rivalit se ata janë të zotët, luajnë mirë dhe dinë si të fitojnë kohë, ndërsa shtoi se kolegu e kishte pyetur se çfarë do të thotë kjo dhe arbitri i kishte nxjerrë jashtë të dy. Pritet të mësohen pasojat disiplinore të këtij incidenti, ndërsa nuk përjashtohet mundësia që rasti të shqyrtohet nga organet përkatëse të disiplinës në futbollin italian.