Sulmuan Gjykatën e Apelit, 5 në pranga, 15 në kërkim
Policia arrestoi 5 persona dhe shpalli në kërkim 15 të tjerë, pasi dëmtuan me sende të forta dyert dhe dritaret e godinës së Gjykatës së Apelit gjatë protestës së sotme.
Redaksia ZHURMA · · 1 min lexim
Policia e Shtetit arrestoi 5 persona dhe shpalli në kërkim 15 të tjerë, pasi dëmtuan me sende të forta dyert dhe dritaret e godinës së Gjykatës së Apelit gjatë protestës së sotme. Në pranga ranë shtetasit A. P., 37 vjeç, S. R., 32 vjeç, L. D., 20 vjeç, P. P., 24 vjeç dhe një i mitur 16 vjeçar. Gjatë kontrollit të të miturit, u gjetën lëndë piroteknike, të cilat u sekuestruan si provë materiale. Ndërkohë, 15 shtetasit e tjerë janë shpallur në kërkim, ndërsa vijon puna për lokalizimin dhe kapjen e tyre. Materialet procedurale i janë referuar Prokurorisë për veprime të mëtejshme ligjore.
