Spider-Man: Brand New Day kalon 500 milionë dollarë në Ameriken e Veriut për 7 ditë
Filmi thyen rekordin e "Avengers: Endgame" me një ditë më pak dhe arrit 1 miliard dollarë globalisht në 6 ditë.
LOS ANXHELES — Spider-Man: Brand New Day kaloi shifrën prej 500 milionë dollarësh në arkëtimet në Amerikën e Veriut brenda shtatë ditësh, duke u bërë filmi më i shpejtë që arrin këtë prag, sipas Sony Pictures. Parashikohet që filmi të përfundojë javën e parë me më shumë se 508 milionë dollarë në SHBA dhe Kanada.
Rekordi i mëparshëm i përkiste "Avengers: Endgame", i cili arriti gjysmë miliard dollarë tetë ditë pas premierës në prill 2019. "Spider-Man: Brand New Day" kishte vendosur më herët rekordin për fundjavën më të madhe të hapjes me 360 milionë dollarë, ndërsa fitoi 932 milionë dollarë në mbarë botën, duke u bërë debutimi i dytë më i madh globalisht.
I prodhuar nga Marvel Studios dhe Amy Pascal me buxhet 225 milionë dollarësh, filmi i drejtuar nga Destin Daniel Cretton ka në rolet kryesore Tom Holland, Zendaya, Sadie Sink, Jacob Batalon, Jon Bernthal dhe Mark Ruffalo. Kaloi 1 miliard dollarë botëror brenda gjashtë ditësh, një ditë më ngadalë se rekordi i "Avengers: Endgame".
Burim: ATSH
— Redaksia ZHURMA