SPAK zgjat me 3 muaj hetimet për Belinda Ballukun
Kontrollet vijnë një ditë pasi Prokuroria e Posaçme i komunikoi zgjatje edhe ish-krerëve Gentian Gjyli dhe Erald Elezi.
TIRANË — SPAK zgjati hetimin për ish-zv/kryeministren Belinda Ballukun me 3 muaj. Një ditë më vonë, agjentët e BKH-së kanë zhvilluar 4 kontrolle në banesa e zyra në Tiranë e Durrës, me miratimin e gjyqtarit të hetimeve paraprake Erion Çela.
Një ditë më parë, Prokuroria e Posaçme ia komunikoi zgjatjen e hetimeve edhe Gentian Gjylit, ish-kreut të ARRSH, dhe Erald Elezit, ish-kreut të KESH. Balluku pritet të paraqitet në SPAK për t'u njohur me vendimin e zgjatjes.
Ish-numri 2 i qeverisë u mor pandehur në tetor 2025 për shkelje të barazisë në tenderin e Tunelit të Llogarasë. Një muaj më pas, u mor person nën hetim për shkeljet në 7 lotet e Unazës së Madhe dhe iu komunikua masa e pezullimit nga detyra, e cila vazhdon të jetë në fuqi.
Balluku është e dyshuar edhe për 3 procedura të tjera tenderuese. Gjykata e Lartë la në fuqi edhe masën e ndalimit të daljes jashtë shtetit, pas refuzimit të rekursit të Ballukut. Pozita e saj penale është rënduar me akuza shtesë korrupsioni dhe pastrimit të parave.
Burim: Shqiptarja
— Redaksia ZHURMA