Sokol Balza: "Si ike shoqja ime dhe na le" për Rezana Çelikun
Aktorja Rezana Çeliku ndërroi jetë në moshën 66-vjeçare, duke lënë pas një karrierë të pasur në kinematografinë shqiptare.
Aktorja Rezana Çeliku është ndarë nga jeta në moshën 66-vjeçare, një humbje që ka tronditur kolegët dhe miqtë e saj. Mes tyre, aktori Sokol Balza, me të cilin Çeliku ndau rolet kryesore në filmin "Një djalë dhe një vajzë", ka reaguar me një mesazh të dhembshëm në rrjetet sociale.
"Nuk më besohet, si ike shoqja ime dhe na le…", shkruan Balza, duke shprehur dhimbjen për humbjen e artistes dhe mikes së tij. Çeliku ishte e njohur për interpretimet në filma si "Ata ishin katër", "Shokë të një skuadre" dhe "Zonja nga qyteti", si dhe për punën e saj si spikere dhe moderatore festivalesh.
Ndarja e saj nga jeta shënon një tjetër humbje për artin dhe kinematografinë shqiptare.