Skënderbeu merr në formacion Enur Totren
29-vjeçari, që ka fituar pesë trofe në karrierë, ishte pa ekip që prej largimit nga Gjilani.
KORÇË — Skënderbeu i trajnerit Julian Ahmataj ka arritur akordin me ish-futbollistin e Tiranës, Enur Totre, i cili ishte pa skuadër që prej largimit nga Gjilani. 29-vjeçari pritet të vazhdojë karrierën te skuadra korçare, duke i sjellë ekipit bardhekuq përvojë të gjerë ndërkombëtare, të grumbuluar gjatë viteve në disa kampionate evropiane.
Gjatë karrierës Totre ka fituar pesë trofe: tri kampionate me Shkëndijën e Tetovës, në sezonet 17/18, 18/19 dhe 20/21, titullin kampion me Tiranën në sezonin 21/22, si dhe Kupën e Maqedonisë po me Shkëndijën, në sezonin 15/16.
Mesfushori numëron dy paraqitje me kombëtaren e Maqedonisë së Veriut dhe shtatë me përfaqësuesen U-21. Përveç Shkëndijës, Tiranës dhe Gjilanit, ai është aktivizuar edhe te Vorskla Poltava në Ukrainë dhe te Sakaryaspor në Turqi.
Burim: BalkanWeb
— Redaksia ZHURMA