Si e 'shikoi' një djalë i verbër golin e Ronaldos me anë të një table taktike?

TEHERAN — Një video emocionuese që u bë virale në rrjetet sociale tregon një baba nga Irani që përdor një tabelë taktike për të ndihmuar djalin e tij të verbër të "shohë" një ndeshje futbolli. Metoda prekëse e babait u bë hit global, duke mbledhur qindra mijëra pëlqime në pak orë.

Djali, i cili nuk mund të shohë ekranin, "ndjek" ndeshjen përmes një table të vogël taktike të vendosur në dysheme. Babai i tij e çon dorën e djalit përgjatë tabelës, duke simuluar lëvizjet e topit, pasimet dhe aksionet në fushë. Kjo metodë i lejon djalit të ndiejë dinamikën e lojës dhe emocionet e shënimit të një goli.

Kulmi i videos arrin kur Cristiano Ronaldo shënon një gol për Portugalinë kundër Uzbekistanit. Djali përjeton një shpërthim gëzimi, duke ndjerë momentin kur topi kaloi vijën e portës. "Kjo është dashuri e pastër," shkruhet në përshkrimin e postimit të platformës sportive 433, e cila ndau videon.

Postimi mori mbi 360,000 pëlqime në kohë rekord, me komente mbështetëse nga tifozë të futbollit në të gjithë botën. Shumë theksuan se skena kujton thelbin e vërtetë të sportit: bashkimin e njerëzve dhe krijimin e kujtimeve të pathyeshme brenda familjes.

Videon u bë simbol i fuqisë së futbollit për të fshirë barrierat dhe për të krijuar momente emocionuese, pavarësisht nga pengesat fizike.

Burim: Telegrafi
— Redaksia ZHURMA