Pse u shty përsëri gjyqi ndaj Ilir Metës?
Gjykata e Posaçme zhvendosi seancën për 8 qershor për mungesë të të pandehurës Ema Çoku.
TIRANË — Gjykata e Posaçme vendosi të shtyjë për 8 qershor procesin e veçuar të të bashkëpandehurve të ish-presidentit Ilir Meta dhe ish-bashkëshortes Monika Kryemadhi.
Siç raporton A2 CNN, seanca e së hënës u shty për shkak të mungesës së të pandehurës Ema Çoku. Në këtë proces të pandehurit Pirro Xhixho, Ema Çoku dhe Fatime Kryemadhi gjykohen me procedurën e gjykimit të shkurtuar.
Dështimi i seancës bëri të pamundur edhe leximin e konkluzioneve përfundimtare të SPAK.
Burim: Zëri
— Redaksia ZHURMA