Shqipëria dhe Kosova përfitojnë pajisje ushtarake amerikane për Gazën

Shtetet e Bashkuara kanë vendosur të ndajnë 206 milionë dollarë për Forcën Ndërkombëtare të Stabilizimit (ISF) e cila planifikohet të vendoset në Gaza. Në këtë kuadër, Kosova dhe Shqipëria do të jenë ndër shtetet e para që do të pajisen me mjete ushtarake nga mbështetja amerikane. Departamenti i Shtetit ka përfshirë në njoftime financimin për infrastrukturë, automjete dhe shpenzime operative, ndërsa një fond shtesë prej 6,3 milionë dollarësh do të shërbejë për përshtatjen e nëntë mbrojtësve të blinduar të personelit. Deri tani, krahas Shqipërisë dhe Kosovës, trupa për këtë mision kanë premtuar edhe Indonezia, Maroku dhe Kazakistani.