Sam Smith i kushton albumin e ri të fejuarit Christian Cowan
Këngëtari britanik Sam Smith ka njoftuar se albumi i tij i pestë në studio, “Hazel Eyes”, i është kushtuar të fejuarit të tij, stilistit Christian Cowan.
BOTË — Këngëtari dhe kantautori britanik Sam Smith ka zbuluar se albumi i tij i ri, “Hazel Eyes”, i është kushtuar të fejuarit të tij, stilistit të modës Christian Cowan. Artisti foli për projektin gjatë një interviste në emisionin “The New Yorker Radio Hour”, ndërsa albumi pritet të publikohet në fund të gushtit, më saktësisht më 21 gusht.
Smith tregoi se Cowan ka qenë një mbështetje e madhe për të gjatë gjithë procesit të krijimit të albumit dhe se projekti shërben si një letër dashurie për të. Këngëtari pranoi se fillimisht kishte pasur frikë të dashurohej dhe të krijonte nga ai emocion pas suksesit të madh të albumit debutues “In the Lonely Hour”, por tashmë e shef si një përvojë të thellë dhe përmbushëse.
Në muajin korrik, Smith konfirmoi fejesën me Christian Cowan pas rreth tre vitesh lidhje. Çifti u fotografua për herë të parë së bashku në dhjetor të vitit 2022 në Shtëpinë e Bardhë dhe më pas e konfirmuan publikisht lidhjen e tyre në maj të vitit 2024 në Met Gala.