Sa kushton leja për organizimin e lojërave giveaway në Maqedoni?

Skopje — Sipas Ministrisë së Financave, organizatorët e lojërave shpërblyese (giveaway) në Maqedoni duhet të paguajë një leje me tarifë fikse prej 100 euro, e cila paraqitet në denarë sipas kursit zyrtar. Këto leje janë kusht i domosdoshëm për organizatorët e privatë, dhe për të filluar çdo lojë.

Ligji i ri i Lojërave të Fatit dhe Lojërave Argëtuese hynë në fuqi më 14 korrik 2026, duke vendosur lejet e detyrueshme për çdo lojë giveaway. Aplikimi për lejen duhet të dorëzohet në Ministrinë e Financave të paktën 30 ditë para datës së planifikuar të fillimit të lojës.

Nëse organizatori është tregtar individual, ai duhet të parashtrojë dokumentacion të detajuar, përfshirë rregullat e lojës, provë për origjinën e shpërblimeve, dhe certifikatë regjistrimi nga Regjistri Qendror. Gjithashtu kërkohet informacion financiar bazuar në llogarinë e fundit vjetore dhe dëshmi për pagesën e 100 eurosh në denarë si kompensim për kërkesën.

Për organizatorë që janë shoqëri tregtare, dokumentimi përfshin gjithashtu certifikatë regjistrimi nga Regjistri Qendror dhe vërtetime nga Regjistri i Dënimeve për Vepra Penale që provojnë se nuk ka ndalime ose dënime që mund të pengojnë licencën. Nëse kërkesa parashtrohet në emër të një tjetër shoqërie, dokumenti përkatës i asaj shoqërie duhet të dorëzohet.

Ligji përcakton që organizatorët duhet të paguajnë kompensim prej 18 % të vlerës së përgjithshme të fondit të shpërblimeve, që paguhet nëpara se loja të fillojë dhe brenda tre ditësh pas marrjes së lejes. Nëse kompensimi nuk paguhet brenda afatit, leja hiqet automatikisht.

Sipas ligjit, rregullat e lojës duhet të publikohen publikisht përpara shpërndarjes së shpërblimeve, ndërsa rezultatet dhe fituesit duhet të shpallen maksimum tre ditë pas datës e përcaktuar të tërheqjes. Shpërblimet në para ose mallra duhet të dorëzohen brenda 60 ditëve, dhe kohëzgjatja totale e një loje giveaway s’mund të kapërcejë një vit.

Ligji përkufizon “pëlqimin” si shfaqje interesi dhe “etiketimin” si përcaktim të personit në përmbajtjen e lojës, duke i konsideruar këto veprime si investime për pjesëmarrje. Këto masa synojnë rritjen e transparencës, mbrojtjen e konsumatorëve dhe sigurimin e të ardhurave publike në tregun në rritje të lojeve giveaway në Maqedoni.

Burim: Portalb
— Redaksia ZHURMA