Sa milionë euro paguan Venezia për Rrahmanin?
Rrahmani realizoi 16 gola në Pragë përpara largimit në Itali.
VENEZIA — Albion Rrahmani kaloi te Venezia pas marrëveshjes midis klubit italian dhe Sparta Pragës. Transferimi vlerësohet në 7.5 milionë euro, me bonuse që mund ta çojnë shumën në 9.5 milionë euro. Sulmuesi kosovar, i cili muajin e ardhshëm mbush 26 vjeç, i ishte bashkuar Spartës së Pragës dy vite më parë nga Rapidi për 5 milionë euro.
Rrahmani zhvilloi një sezon mjaft pozitiv me klubin çek. Në 49 ndeshje zyrtare, shënoi 16 gola dhe dha katër asistime, duke lënë gjurmë edhe në Ligën e Konferencës, me katër gola në 13 paraqitje. Me fanellën e kombëtares kosovare, ai ka zhvilluar 25 ndeshje, duke realizuar shtatë gola dhe një asistim që nga debutimi i tij në shtator të vitit 2023.
Venezia u rikthye në Serie A pas fitimit të titullit në Serie B sezonin e kaluar dhe synon të forcojë repartin ofensiv për sezonin e ri. Klubi venecian drejtohet nga trajneri Giovanni Stroppa.
Burim: Demokracia
— Redaksia ZHURMA