Rita Ora bashkëpunon me Lance Savali — publikohet kënga e re "Higher"
Projekti i titulluar "Higher" u lansua nga Casablanca Records me ritme house dhe produksion të DJ-it nga Zelanda e Re.
DIASPORA — Këngëtarja shqiptare me famë botërore Rita Ora ka publikuar këngën e saj më të re të titulluar "Higher", një bashkëpunim me producentin dhe DJ-in nga Zelanda e Re me origjinë samoane, Lance Savali. Kënga e stilit house është lansuar nën logon e Casablanca Records, duke gërshetuar vokalin e Ritës me ritmet energjike të producentit.
Lance Savali, i cili numëron mbi 1.9 milionë dëgjues mujorë dhe më shumë se 190 milionë dëgjime globale, ka treguar se kënga ishte shkruar që në fillim duke menduar për zërin e Ritës. Savali ka një karrierë të gjatë edhe si kërcimtar profesionist, duke performuar me yje si Rihanna dhe Beyoncé.
Bashkëpunimi vjen pas suksesit të këngëve të mëparshme të Savalit, si "Devotion" dhe "Ain't No Party", të cilat kanë grumbulluar dhjetëra miliona dëgjime në platformat digjitale. Ndërkohë, artistët njihen prej vitesh me njëri-tjetrin dhe ky projekt synon të shndërrohet në një nga kolonat kryesore zanore të këtij sezoni veror.
Burim: KultPlus
— Redaksia ZHURMA
