Rigjykimi i Glauk Konjufcës fillon sot për gaz lotsjellës në Kuvend

Glauk Konjufca, ministër në detyrë i Punëve të Jashtme dhe Diasporës, do të dalë sot para trupit gjykues në Gjykatën Themelore të Prishtinës për seancën e caktuar për orën 09:30. Rigjykimi vjen pasi Gjykata e Apelit e prishte vendimin e Gjykatës Themelore që më 26 shkurt 2024 kishte shpallur aktgjykim lirues për veprën penale "Përdorimi i armës apo mjetit të rrezikshëm" dhe kishte refuzuar akuzën për "Pengimin e personit zyrtar". Prokuroria Themelore në Prishtinë kishte ngritur aktakuzë më 3 shkurt 2017, duke e ngarkuar Konjufcën me dy vepra penale.

Sipas aktakuzës, më 10 gusht 2016, gjatë mbledhjes së Kuvendit të Republikës së Kosovës, Konjufca në cilësinë e deputetit ka hedhur gaz lotsjellës në sallë. Tymi e bëri të pamundur qëndrimin e pjesëmarrësve dhe i detyroi të braktisin sallën.