Reuters: Rama refuzon dorëheqjen ndërsa protestat e studentëve vazhdojnë

Agjencia e lajmeve Reuters ka pasqyruar situatën e krijuar nga protestat e studentëve në Shqipëri, të cilat kanë hyrë në ditën e tyre të tretë radhazi, duke sjellë përleshje dhe dëmtim të pronave në kryeqytet. Në shkrimin e agjencisë theksohet se demonstruesit kanë akuzuar zyrtarët për korrupsion dhe neglizhencë në arsim, si dhe kanë shprehur zemërim për shitjen e pjesëve të vijës bregdetare jugore, ndërsa policia ka përdorur gaz lotsjellës, granata shurdhuese dhe topa uji ndaj protestuesve që hodhën gurë, i vunë flakën një kioske dhe bastisën një bankë.

Kryeministri Edi Rama ka deklaruar për Reuters se nuk do të jepte dorëheqjen për shkak të protestave, duke shtuar se qeveritë ndryshohen përmes zgjedhjeve demokratike dhe jo përmes një revolucioni. «Përgjegjësia ime është të dëgjoj, të adresoj shqetësimet legjitime dhe ta ndihmoj Shqipërinë të ecë përpara», ka thënë Rama në përgjigjet e tij me shkrim, duke theksuar se është i gatshëm të diskutojë koston në rritje të arsimit, por se sulmi ndaj institucioneve dhe shkatërrimi i pronës publike nuk kanë lidhje me këtë.

Protestat e dhunshme çuan gjithashtu në anulimin e seancës së parlamentit.