Rama reagon nga godina e dëmtuar e Kolegjit të Europës pas protestës

Kryeministri i Shqipërisë, Edi Rama, ka reaguar publikisht nga ambientet e dëmtuara dhe të djegura të Kolegjit të Europës në Tiranë, pas akteve të dhunës gjatë një proteste. Kreu i ekzekutivit e ka cilësuar këtë situatë si një përpjekje për të penguar përparimin e vendit dhe për ta rikthyer atë në të kaluarën.

Gjatë mesazhit të tij, Rama u shpreh se dëmet nuk janë vepër e studentëve, të cilët i cilësoi si të ardhmen, duke thënë se qeveria është e gatshme për dialog me ta. Sipas tij, shkatërrimi është vepër e një opozite që, me maska, zjarr e hekur, kërkon ta rikthejë Shqipërinë pas. Ai paralajmëroi gjithashtu se përgjegjësia para ligjit është e gjithsecilit dhe se kushdo që ka dorë në këtë katrahurë do të paguajë.