Rama ndjek protestën nga zyra dhe thotë se po refuzohet dialogu

Kryeministri i Shqipërisë, Edi Rama, ka reaguar pas protestës së zhvilluar para Kryeministrisë ku po marrin pjesë studentë dhe pedagogë. Ai ka publikuar një video ku shfaqen karriget e vendosura si ftesë simbolike për dialog, ndërkohë që protestuesit kanë kundërshtuar këtë nismë.

Rama ka hequr në pah sloganet e përdorura nga protestuesit, duke përmendur thirrjet për dorëheqje si dhe parulla kundër diktaturës dhe komunizmit. Ai ka deklaruar se qeveria mbetet e gatshme për bisedime, ndërsa ka theksuar se deri tani këto janë idetë e pedagogëve dhe intelektualëve të mbledhur atje.