Rama: Festivali Kombëtar i Filmit Shqiptar feston artin, historinë dhe të ardhmen

Kryeministri Edi Rama ka publikuar një mesazh në rrjetet sociale për nisjen e Festivalit Kombëtar të Filmit Shqiptar, i cili do të zhvillohet nga 9 deri më 12 shtator. Në postimin e tij, ai thekson se festivali do të festojë artin, historinë dhe të ardhmen e kinematografisë shqiptare. Mesazhi u shoqërua me pamje panoramike të Tiranës gjatë natës.

“Mirëmëngjes dhe me rikthimin e Festivalit Kombëtar të Filmit Shqiptar, i cili nga sot deri më 12 shtator do të festojë artin, historinë dhe të ardhmen e kinematografisë sonë, ju uroj një ditë të mbarë”, shkruan Rama.