Qytetarët bllokojnë punimet e komunës te Xhamia e Llapit në Prishtinë
Banorët thonë se kryetari Përparim Rama, pa plan, e ka kthyer rrugën nga katër korsi në tri; dje dorëzuan peticion me afro 150 nënshkrime.
PRISHTINË — Disa qytetarë të Prishtinës ia kanë bllokuar komunës punimet në rrugën tek "Xhamia e Llapit". Kjo, duke vendosur makineri të rëndë midis saj. Ata i thanë KosovaPressit, prapa kamerës, se arsyeja e bllokimit të punimeve është pasi kryetari i kryeqytetit, Përparim Rama, pa plan dhe në mënyrë tinëzare ka vendosur që këtë rrugë, nga katër korsi, ta bëjë në tri, një për hyrje nga qyteti i Podujevës dhe dy dalje nga Prishtina.
Sipas banorëve, me këtë plan do të falimentojnë bizneset që janë përskaj kësaj rruge, pasi do t'u pamundësohet furnizimi i lokaleve. Ata thanë po ashtu se ishin në komunë për ta takuar kryetarin Rama, por që i njëjti ka refuzuar t'i takojë, teksa shtuan se dje kanë dorëzuar peticion me afro 150 nënshkrime.
Burim: Telegrafi
— Redaksia ZHURMA